السؤال

شلون الريال ممكن يحب ثنتين او وايد ناس و خصوصا بمجتمع الدوام يحب على مرته و صج اشوفه صج يكون حاب البنيه بس اهيا ما تبي تاخذ واحد متزوج و اهو ما يبي يطلق لانه عنده عيال


في شي واايد مهم لازم تعرفونه عن الرجل .. ان مخه مثل الوافل شفتوا الوافل شلون مقسمه مربعات اهو جذي يقسم الاشياء والاشخاص اللي يكن لهم مشاعر داخل مخه بكل وضوح وبدون لخبطة. فمثلا في مربع

للزوجه ومربع للفيديو قيم ومربع للحبيبه ومربع للدوانيه ومربع للصديقه وعادي عنده يقدر يفصل ويحبهم كلهم. والمربعات هذي تختلف احجامها يعني المربعع كل ما كبر كل مازادت اهميته وكل ما صغر كل ما قلت اهميته عند الرجل.

فلما نرجع للسؤال نلقى الاجابه جدا سهلة. الزوجة بمربع كبيييييييير والحبيبة بمربع صغير عشان جذي مايبي يطلق لان المربع مال الزوجه واللي اهو مشاعره واهتمامه وايد اكبر من اللي للعشيقه.

شلون احمي نفسي؟ انج ماتقبلين تكونين الا بالمربع الاساسي والاكبر. فاذا ما وفرلج هالشي اي رجل كان. انتي لازم تقولين انا استاهل افضل من جذي واستاهل اكون الوحيدة الانثى بمربعات هذا الرجل وما ارضى عنده وايد مربعات فيهم بنات.

نبذه بسيطه عن مخ البنت. مثل السباقيتي كل شي داش ببعضه المشاعر كلها متداخله ومتلخبطة فيكفيها تحب واحد لان يالله تفجج المشاعر اللي عندها. او انها تقرر ما تحب احد وتلعب فقط. لكن ما تقدر تكن مشاعر قويه وتهتم باكثر من شخص بنفس الوقت مثل الرجل.

وهذا الموضوع يردنا حق المؤشر رقم 13 من دورة العلاقة الصحيحة اللي يقول لازم الشخص اللي انتي معاه بعلاقة يكون شخص داخل حدودج ماعنده تعقيدات وامور ماتقدرين تتعاملين معاها وماعنده وايد بناااات داخل مربعات مربعات. واذا تبين تعرفين اذا انتي بعلاقة صحيحه تستاهل وقتج وجهدج راح تتعرفين بدوره العلاقة الصحيحة على 14 مؤشر يقولج اذا انتي بعلاقه صح + اختبار هل انا بعلاقة صحيحة + كيف احافظ على علاقتي الصحيحة + لماذا انا دايما اجذب علاقات غير صحيحة